السبت، 14 مايو 2016

skin care .. مفضلاتي للعناية بالبشرة

بلون الورد و الحلم و الرضا و الحبّ يتشكلُ صباحكم .. 🌷

كيف أنتم يا أصدقاء ..

بحكي اليوم عن أشياء تتعلق بالبشرة جربتها وعجبتني 

وتقيمي لها ١٠/١٠ ✨

ممكن البعض يعرفها  لأن مو كلها جديدة لكني حبيتها وبنقل تجربتي معاها 


  • المنتج الأول : مزيل الميك أب

من بيوديرما .. سعره تقريباً 94 ريال
250 ML حجمه 
أخذته من صيدلية وايتس وما أعرف إذا متوفر بكل الصيدليات أو لا لكن وايتس أكيد إن شاء الله 

وفيه أكبر منه يوصل 500 ML
وفيه أصغر أتوقع 50 ML
وعلى حسب الحجم يختلف السعر 💰




الصغير يدنن حلو للسفر أو التنقلات الخفيفه 

خفيف مرة ع الوجة وما يحّرق أبداً ولا يسبب أي شي لا إحمرار ولا جفاف ولا شي خفيف ولطيف  
مرررة ارتحت معاه وأنصح كل وحده أشوفها فيه ، لما استخدمته تندمت على أيامي اللي راحت وما كنت أعرف عنه 
يناسب أصحاب البشرة الحساسه مثلي
والبعض يستخدمه كغسول كمان 
تركيبته مثل المويه مايبقي زيوت ولا شي 💧
ومسحه وحده منه تشيل كل الميك اب اللي على الوجة بلا مبالغة 
جمممميل جممميل أتعب وأنا أقول جميل عجبني مرررة  ولا أفكر أستخدم غيره 💘💘


  • المنتج الثاني : ماسك للوجة 

من بيتر توماس روث بالورد 🌷

سعره تقريباً 164 ريال أخذته من سيفورا
حجمة 150 Ml

أول من نزل في سيفورا كان فيه منه حجم ميني وتجي معاها أنواع ثانيه 
بالقرع والخيار  والذهب ، بعضها للبشرة الجافه والمختلطة وغيره



 أخذت الورد لأنه للبشرة الحساسه
و ريحة الورد فيه حلوه مرة حبيتها خفيفه ومنعشه أحب أستعمله مرة في الأسبوع 
يشد الوجة ويرطبه وينعمه مرررة ويعطي ملمس مخملي 

يكفي ريحته ع الوجة يحسسك بالانتعاش والروقان وإنه فعلاً وجهك نظيف 




  • المنتج الثالث : برايمر 





 “ that gal “ من بينفت أخذته من وجوة 
سعره 155 ريال

أحب هالمنتج شي خوووورافي 💘💘

 استخدمه كمرطب قبل الفاونديشن و مرات استخدمه لحاله جمممميل جداً يعطي على لون وردي ويصفي 
خصوصاً اذا البشرة مافيها حبوب تقدرين تستخدمينه لحاله جميل للمناسبات الخفيفه أو طلعات الصباح مثل الدوام 
أو بالبيت ..



جميل مرة حبيته لأنه مايبين إنك حاطه شي وبنفس الوقت يصفي ويعطي بشرتك على اضاءة ورديه 

بس عيبه حجمه صغير بسرعه يخلص ، أتمنى انهم ينزلون حجم أكبر



  • المنتج الرابع : مجموعة موية الورد 🌷


أخذتها من أفون طلبتها من موقعهم


  • تونر بمويه الورد 💝
 أخذته وقت الخصم ب ١٥ ريال  ، أستخدمه بعد الغسول وقبل الترطيب
خفيف ويبرد على الوجة ، وممكن يستخدم لحاله بمسحات خفيفه طبطبه على الوجة  قبل النوم 
ينظف البشرة ويقفل المسمات


  • كريم للوجة بالورد 💖
جميل بعد التونر تمتصه البشرة بسرعه لأن قوامه خفيف ومو ثقيل أبداً
وفيه لمعه خفيف ماتبين بس تعطي إضاءة للوجة وريحته جميلة جددداً وبادرة


  • مرطب للشفايف بالورد 💋
خفيف وريحته حلوة  يرطب بعمق أحب أحطه قبل أي روج مات لأنه يرطب ويخفف من تشققات الشفايف
ومرات أستخدمه لحاله بعد حلو 




 دمتم بخير  ❤

ليست هناك تعليقات:

إرسال تعليق