صباح الخير لمن ينتظرها من غائب
ولمن يحتاجها من حبيب
ولمن يجلس وحيداً الآن ..
أهلاً يا أحباب ..
بشارككم اليوم بعض الأفكار اللي سويتها وحبيتها جميلة و بسيطة ()”
الفكرة الأولى “ الشموع “
نحتاج .. [ شريط لاصق ملون ، شموع صغيرة ، مقص ]
الشموع لا تنسون تختارون الريحه اللي تحبونها =)
وفيه فكرة ثانية ممكن توحدون لون الشريط اللاصق كثيم معين لبارتي بتسوونه أو نفس ألوان المكان بحيث تكون لونين متناسقات
نقص الشريط ونلصقه على أطراف الشمعة ..
الفكرة الثانية “ فواصل “ 🔖
نحتاج .. [ شريط لاصق ملون ، فواصل ، مقص ]
الفواصل مو شرط تكون على شكل قلب ممكن أي فاصل عندك لو الشكل المعتاد بيكون شكله أنيق كمان بعد العمل
الفكرة الثالثة “ علاقة ملابس “
نحتاج .. [ علاقة حديد ، حبات لولو كبيرة ، شريطة ذهبية صغيرة ، صمغ مسدس ]
“اللولو " تأكدو إن فتحتها كبيرة تكفي للعلاقه تدخل داخلها
أول شي نفتح العقدة اللي بالعلاقه .. وبعدها نبدأ ندخل حبات اللولو
وبعد مانوصل لمكان العقدة نسكرها مثل ماكنت وهنا فيه فكرتين .. ممكن تحطون مثلي شريطه وتلفونها على العقدة وتربطونها بشكل فيونكة بالأخير ..
أو
تحطون حبات لولو حجمها أكبر من اللي استخدمناه وفتحتها أكبر حتى نقدر ندخل اللولو داخل العقدة لكن أنا حبيت شكل الشريطة صاير شكلها أحلى
وبعد العقدة نرجع ونكمل اللولو وآخر حبه نحط فيها صمغ مسدس حتى تثبت حبة اللولو
دمتم بخير و دامت أيامكم بسعادة ❤
ليست هناك تعليقات:
إرسال تعليق