الاثنين، 9 نوفمبر 2020

كوخ للعصفور DIY

 مرحباً يا أصدقاء ، كيف أنتم  .. 🌷



كلُ ما ترفعه على جناح الدعاء نحو السماء لن يضيع و لن يُنسى : ( وَمَا كَانَ رَبُّكَ نَسِيًّا )
ثِق بتدبير الله و حكمته و اصبر و اطمئن 💖




عمل اليوم يدوي .. ( تزيين كوخ خشبي  ) 🐥



الاغراض ..
- كوخ خشبي أخذته من جرير تقريباً ٢٧ ريال
- الالوان أبيض و فيروزي العلبه الوحده سعرها ٩ ريال
- صمغ مسدس ، ريشه تلوين ، كلفه دانتيل ، ورد زينه وممكن نستبدل الورد بأزره بيضاء 

هذي صورة الالوان من قريب ..




صورة الورد  اخذته ماركة ( روكو ) من جرير  ٧ ريال 
نوع الخامه كأنها ورق مقوى مقصوص على شكل ورد .. لو ما حصلتوها ممكن تسوونها بنفسكم فالبيت 



فالبدايه خلطت اللونين الابيض و الفيروزي لان اللون الفيروزي كان فاقع شوي فخففته باللون الابيض و بديت بصبغ سطح الكوخ تقريباً حطيت طبقتين تركت الطبقه الاولى تجف و بعدين عدت عليها بالطبقه ثانيه .. 
حلو بعد تصنفرون الكوخ قبل ماتصبغونه انا ماسويت 
هالحركه متحمسه و مستعجله وما انتبهت الا بعد نصف المشوار  😅





بعد ما جف سطح الكوخ بديت بصبغ كامل الكوخ بالابيض 
ونفس الشي حطيت كم طبقه ، أنتم شوفوا وش يطلع معاكم لما توصلون الدرجه اللي تعجبكم .. 
و تركتها تجف تماماً .. 





و هنا بديت بالزينه ، اخذت المقاسات و قصيت الكلفه و صمغتها بصمغ المسدس ع وجه سطح الكوخ من الامام و الخلف ،





و بعدها وزعت الورد ع السطح بشكل عشوائي





 
بس مادري بعد ما خلصت العمل كأنه ماعجبني شكل الورد صار طفولي شوي اتوقع يمكن لو حطيت بدالها أزّره ( زرار ) أو اشيلها نهائي و اكتفي باللون و الكلفه فقط .. 💙

 افكار اثرائية : 💡


* ممكن تحطون ع طرف السطح جوخ ابيض مقصوص بشكل ثليج .. 


* و ممكن تحطون حصى ابيض او ملون ع اطراف الكوخ من تحت او كامل الكوخ تصمغونها بصمغ مسدس .


*ممكن تسوون ع سطح الكوخ ديكوباج بالرسمه اللي تحبونها ..


* ممكن تلونون سطح الكوخ احمر بنقط بيضاء و باقي الكوخ ابيض و اطراف الكوخ من الاسفل تحطون زرع صناعي يطلع كانه بيت سنافر ♥️



تسعدني مشاركتكم و أفكاركم و إثرائتكم ~ 💖



 دمتم بخير و دامت أيامكم بسعادة ♥️

هناك تعليقان (2):

  1. كيوت.. ناعم وأنيق.. تحمست اشوفه بعد اللون الأبيض وان كنت من عشاق اللون الخشابي الأصلي

    ردحذف
    الردود
    1. من ذوقك .. ❤️ حبيت تجربة صبغ الكوخ مع اني مثلك من مفضلي لون الخشب السادة بس شعور جميل تغيير لونه ودمج الالوان في المرات القادمه بصبغها ان شاء الله لألوان ثانية ونشوف وش يطلع معنا .. خلال الفترة الماضيه جربت اني ادمج القماش مع الكوخ الخشب بدون صبغ ومرة عجبتني النتيجة 👌🏻

      حذف