مرحباً يا أصدقاء ..👭 💖
أول شي لما نشتري أغراض من السوبر ماركت نحاول إننا ما نشتري فوق حاجتنا يعني حاولوا قد ماتقدرون تحسبونها
كيف حالكم !
هالمرة وثقت لكم طريقة كيف نحافظ على الخضار طازجة لوقت أطول ممكن ✨
نبدأ الخطوات بسم الله ...أول شي لما نشتري أغراض من السوبر ماركت نحاول إننا ما نشتري فوق حاجتنا يعني حاولوا قد ماتقدرون تحسبونها
صح كم الكميه اللي تحتاجونها خلال هالشهر أو الأسبوع و بكذا تكونون حافظتوا على النعمه أكثر من الفساد أو التلف
نجي الآن لطريقة حفظ الخضار
أول خطوة بنقسم الخضار قسمين خضروات ، ورقيات
١- نمسح كل الخضار بمنديل مبلل أو رطب شوي عن بقايا التربه و الأوساخ
٢- نقوم بجمعها في صحن أو سلة صغيرة
مثل الصورة ..
٣- فيه طريقتين لحفظ الخضار ، إما نحفظها في علب قزاز محكمة الغلق ، أو كيس إستخدام أكثر من مرة
"يعني نقدر نقفل الكيس ونفتحه أكثر من مرة "
مثل كذا .. طبعاً هذي علب بلاستك ولكن فيه مثلها قزاز
أو أكياس إيكيا هذي .. ،هي اللي أنا معتمدتها بطريقتي
أكياس إيكيا فيه منها ٣ ألوان كل لون فيه منها حجمين مختلفين
الأزرق كبير مرة وكبير عادي
البنفسجي وسط كبير ووسط عادي
الأخضر صغير عادي وصغير مرة
هذي الصورة مبينه شوي ما حصلت صورة واضحه مرة 😚
٤- نختار الكيس المناسب لحجم الخضار و كميتها .. مثلاً ٨ حبات جزر متوسطه نختار لها كيس
متوسط الحجم وهكذا في بقيه الخضار
٥- نقوم بوضع منديل رول داخل الكيس حتى يمنع تبلل الخضار مع برودة الثلاجه أو تعفنها مع طول المدة !
٦- نقوم بترتيب الخضار داخل الكيس بحيث يكون المنديل أسفل الخضار وبعدها نضع منديل آخر فوق الخضار
حتى يمتص الرطوبه من الجهتين
( الخيار )
( الجزر )
( الكوسة )
٧- نفرغ الهواء من الكيس بواسطة يدينا ونقفل الكيس ، وندّون عليها تاريخ اليوم ونوع الخضار ، إما ع الكيس نفسه
أو بوضع استيكر على الكيس ونكتب عليها المعلومات حتى تشوفين كم يوم تبقى خضارك طازجه معاك
٨- نضعها في الثلاجة وبكذا تكون مرتبه ثلاجتك ، بالإضافه إلى انه إذا احتجتي نوع واحد من الخضار
تحصلينه بسهوله ويطول مدته طازجة
٩- لما تفتحين كيس الخضار فيما بعد تأكدي إنك فرغتي الهواء وقفلتيها كويس ، وكلما تبللت المناديل غيريها ، طبعاً ماراح تتبلل معاكم إلا مرة تقريباً وراح تحتاجون إنكم تغيرونها ، وهذا يرجع لقوة تبريد الثلاجة فممكن إنه يتبلل المنديل من بكرى
عادي بدّلي المنديل وفرغي الهواء الكيس < أهم شي !
وارجعي قفليه مرة ثانيه
( البطاطا الحلوه أو البطاطس العادي )
أحط مناديل رول أسفل الصندوق وبعدها البطاطس بدون ما اسكره أو آغلفه وأحطه في درج الثلاجة
وبكذا راح تكون خضارك طازجة وما تخرب بسرعه 😊
نجي للورقيات : 🌿 🍃
البقدرنس ، الجرجير .. وغيرها ...
بالبدايه أقطف الأوراق من آغصانها و أكون مجهزة علبه بلاستك داخلها منديل رول حتى يمتص الرطوبه مثل
طريقتنا في الخضار فوق !
و أبدأ أعبي العلبه و آخر شي أحط منديل رول و أقفل العلبه
بحيث يكون كل نوع من الورقيات في علبه خاصه ، وبكذا راح تطول الورقيات في الثلاجة وما تخرب 🍒
أنا جلست عندي بالطريقه هذي لمدة شهر الحمدلله 💖
و هذا شكلها في الثلاجة مرتب ، و أنيق و سهوله في الاستخدام 💜 💜
وهنيئاً لكم بخضروات طازجة يا أصدقاء 🌱
دمتم بخير ، و دامت أيامكم بسعادة 💖
وأيامك سعادة ورضا وسرور ياصديقتي الجميلة والمبدعة دوماً ماشاء الله تبارك الله ❤️❤️
ردحذفمدونة جميلة ورايقة مثل صاحبتها ماشاء الله كل موضوع أجمل وأروع من الثاني .. دام ابداعك الأنيق وكلي شوق لجديدك ����
اللهم آمين وياكِ .. ياجمالك يكفيني انك قريتيها وعجبتك 😍😍
حذفأحب دعمك وحماسك ليّ دايم 🙈💘