هو عبارة عن رغوة صابونيه نرشها على المغاسل أو الشاور و البانيو ..
و تترك لمدة 3 إلى 4 دقايق ثم تشطف بالموية , و بيرجع لك المكان لامع و نظيف بشكل رائع
يحسسك إنه جديد .. و كذلك له رائحه عطريه منعشة
“متوفر في ساكو”
(٢)
مناديل الكلوركس ..
المناديل اللي أتوقع مافيه مبتعثين مايعرفونها أو يخلو بيتهم منها !
هي مناديل مبلله بالكلوركس .. بحجم المنديل العادي أمسح فيها الأسطح
مثل : المطبخ (الرخام ) أو الفرن الكهربائي، طاولات القهوة ،و طاولة الطعام ،و الصنابير، و أبواب الثلاجه،
و غسالة الأطباق ..
ميزتها خلاص هي مبلله و جاهزة مجرد مسحه وحده تنظف لك السطح
تمسحين فيها و بعدها تجففين المنطقه بفوطه جافه مثل الفوط اللي تحت بتكلم عنها ..
إذا كانت المنطقه استيل أو قزاز لابد من التجفيف بعدها حتى ما تبقى نقط أو علامات الرطوبه على السطح .
“متوفر عندنا بالسعوديه بساكو و التميمي و بنده “
(٣)
فوط التمسيح ..
عبارة عن قطعه مستطيلة الشكل , تجي داخل كرتون تنسحب من فوق مثل المناديل ، ملمسها خشن قليلاً أسمّك
من المنديل الرول و أرّق من الفوطه العاديه ..
يجي منها أحجام ميزتها استخدام واحد و بعدها تنرمي ، ما تبقي على الأسطح شي بعدها مثل الفوط العاديه
حبيتها كثير و ساعدتني بالمسح السريع و ما أشيل هم غسلها أرميها و خلصنا ( استخدام واحد )
متوفرة في أمازون .. في السعودية مالقيت مثلها ولكن فوط مايكروفايبر تفي بالغرط وكويسه ماتبقي بقايا شعيرات 👌
(٤)
معطر الأثاث ..
ريحته باردة و منعشه حبيته ان ريحته ما تكتم أبداً ، خاص بالمفارش و الستائر و الكنبات و الأثاث عموماً
يعطي ريحه جميله للمكان بعد التنظيف حبيته كثير أحب أرشه بعد تنظيف البيت
يحسسني بنظافه الأثاث و برودته كمان ، فيه كذا رائحه له يمكنكم اختيار نوعكم المفضل
“متوفر في ساكو”
(٥)
اسفنجة المواعين ..
شكلها مثل العصا و نهايتها اسفنجة .. العصا يتعبى من داخل صابون ميزتها ما توسخ اليد أثناء التنظيف بالإضافة إلى أنها إقتصاديه في استخدام صابون المواعين توفيريه بشكل كبير ..
و أما الإسفنجة فيتم تبديلها بين الفينه و الآخرى ،، وتباع الاسفنجات على حِده ..
حبيت فيها انها تحافظ على نعومة اليد من الصابون والجفاف والتشققات 👍
وشفتها موجودة بجولي شيك مشابهه لها كثيراً لكني لم أرى الاسفنجات تباع لوحدها فما أعرف هل هي فعلاً نفس جودة هذه أم لا
(٦)
بخاخ الاستيل ..
ملمع خاص بالاجهزة الاستيل كالثلاجات و المايكرويف و الافران و غسالة الاطباق و غيرها .. يلمع بشكل سريع و جميل ترجع كأنها جديدة بعد التنظيف حبيت أجهزة الاستيل بعدها وما صرت أشيل هم تنظيفه والتلميع 😍
متوفر في تارقت
” متوفر في ساكو “
(٧)
تنظيف المرحاض ..
أظن أن الطريقه التقليدة هي العصا المنتهيه بفرشاة و يتم تنظيف المرحاض فيها كل مرة .. مهما نظفنها إلا ما تتجمع فيها الأوساخ و الجراثيم ..
أما الطريقه اللي جربتها و حبيتها .. و هي عصا لكنها منتهيه باسفنجه ذات الاستخدام الواحد .. و لها نوعين من الاسفنج لكل وحده منهم ميزة كلاهما ذات الاستخدام الواحد لكن وحده بإمكاننا رميها في المرحاض بعد التنظيف ثم سحب السيفون عليها و تذوب وهذي حبيتها أكثر من اللي في الصورة .. و أما الآخرى لا تُرمى داخل المرحاض بعد التنظيف فهي أشبه بالاسفنجة الحقيقه لا تذوب فترمى في سلة المهملات ..
و بعد عملية التنظيف هذي أقوم بوضع قرص التعقيم داخل السيفون تقوم بتعقيم المرحاض مع كل سحبه ..
الخسارة اني ماشفت مثل فكرتها عندنا فالسعوديه فلو فيه أحة يعرف وين أحصلها هنا ياليت يقولو لنا 😊
متوفر في تارقت
(٨)
معقم للمرحاض ..
أقراص دائريه بعد فتح الكيس توضع داخل السيفون للمرحاض و مع عدم لمسها باليد لأنها خطره ، و توضع بالجانب الأخر من مضخه السيفون حتى لا تسد مجرى المياه
و تترك خمس دقائق و بعد كل سحبه تعقم المكان و لون المويه يكون أزرق يوحي بالنظافه
القرص الواحد تقريباً يكفي من ثلاث إلى أربع أسابيع
” متوفر في ساكو “ وموجوده في بندة لكن ماركات آخرى ..
(٩)
بخاخ لإزالة البقع ..
هو عبارة عن بخاخ رذاذ يُرش على البقعه ثم تقومين بدّعك البقعه بفوطه جافه حتى تختفي ثم نكرر الدعك بفوطة مبلوله بمويه و بعدها فوطه جافه ..
و بتتفاجئين بنظافه المكان و اختفاء البقعه .. أنا اعتبره مثل السحر لإزاله البقع ع الفرشه أو الكنب شي جميل وبطل 👌
متوفر في تارقت
” متوفر في ساكو “
(١٠)
مساحة الارضيه ..
مساحة عصا يدويه مدعمه بمحلول تنظيف جاهز يتركب فيها و فوط مسحات قابله للنزع باستخدام واحد
متوفرة العصا و المحلول بكذا نوع و كذلك الفوط المسحات في تارقت ..
عندنا بالسعودية محل ” على كيفك ” يبيع نفس الفكرة بجودات و ماركات مختلفه لكن المحلول تعبية ذاتيه مايجي جاهز نفس أمريكا
و أيضاً فوط التمسيح تجي ذات الاستخدام المتكرر تنغسل و يعاد استخدامها مرة أخرى
وكذلك موقع نون شفت عندهم نفس الفكرة وبسعر رخيص مره
💖💖
شكراً لكل من وصل إلى نهاية التدوينه .. و سعيدة جداً اني قدرت أنقل لكم تجربتي
و أسعد بأرآئكم و تجاربكم .. و إذا تعرفون أماكن توفر المنتجات في أماكن آخرى أتمنى تُدوننها في الاسفل و أحدث التدوينه لكم
دمتم بخير و دامت أيامكم بسعادة
